[جابر السلمي]

السلام عليكم ورحمة الله وبركاته
آمل أن تكون في مستوى رقيكم


غُرّة الشمس

تمرجحي بين الضلوع ... وْ خذيني
طفلٍ يداعب غُرّة الشمس... و يْنااام

لو تَعْرِفِين اللي مضى ... من سنيني
كان امتلا صَدْرك تباريح و زْحاااام

مُرّي قراح المــــــا ... على شـــطّ عيني
ثم انثريني ريح ... في صدر الايااااام

يـــــا ســــــاريةْ ليل الغلا ! .... خبريني
كم لك تنادي حظ نايم ولا قاااام !؟

سا فرت بك ذكرى سحايب حنيني
يوم امطرت غيمة على الغُربة/ احلام

فيني بقايا روووووح/ فيني ... و فيني
يا اااا كُثْر ما فيني / معذبني/ اوهام !

الصُّبح مُشرِق و القلق ... معتريني
طااال السهاد وْ جَفّ ينبوع الالهام

وينك؟ مساحات الرّحــابة .... يديني
والقلب مجلس ...... والشرايين خُـــدّام

ياااا من نسايم عطرها ... يحتويني
يسعد مسا طيب الخزامى و الانسام

بين الضلوع اتمرجحي... واتْركيني
طفلٍ يقبَّل غُرّة الشمس... و يْنااام

وسلامتكم
محبتي لكم من هنا إلى آخر مدى