البعض حاله مثل قصّة قراقوش (1)=لاطالبٍ له جاه ولاسارقٍ مال
كم كذبةٍ جاته على شكل فافوش(2) = وكم من عدوٍ ألّف بفكر عذال
ياكم حارب وسط ميدانه جيوش=شجاعته تسوى لها الف رجال
حكيم ماجارى سخافات مربوش = ماخان لو خانه من الناس انذال
صدقه وسط صدره مأصّل ومنقوش = ثابت على مبداه في كل الأحوال
يستاهل التنصيب بقصور وعروش = يومه حمى داره على طول الأجيال
والبعض مايحمي حويشه ولايحوش = وتشوف صيته امتداول للأجيال
حصل على السمعه بتزوير وقروش = وحقيقته شينه ولايساوي ريال
ولوبه مماتي(3) ألّف كتاب مغشوش = الحق ثابت بالأعاصير مامال
والحق لامن بان فكري له يشوش = ولاعاد اصدّق مايقوّل بالأمثال
(1) قراقوش /أبو سعيد قراقوش بن عبد الله الأسدي الملقب بهاء الدين
(2) الفافوش /كتاب أُلَف ضد قراقوش من أحد اعداءه
(3) المماتي / هو الأسعد ابن مماتي مؤلّف كتاب "الفافوش في احكام قراقوش"