|
" اقتباس "
سطر اقتباس
من بين ألاف السطور
مثل احتباس ..الجو
أو موج البحور
أو صوت ناس
أو اتصال بلا ظهور
المشكله من دون حل
اللي بقى واللي رحل
واللي على ابواب الأمل
كل الأمل ... لحظة عبور
من غير دور
لكن المهم إنه وقف
من غير .. ظلم .. بدون .. زور
بس ينتظر لحظة عبور
ساعه يجي ساعه يروح
فرصه وعيت لا تلوح
...............
......
.......................
......
...................
ليه الشعر بلا شعور
مثل القبور
كومة تراب
تستر عظام بدون روح
مثل الضباب
يقلد اشكال المطر
يجي ويروح
ما بل عرق ولا أخضرت
منه السفوح
مثل السراب ... يصهر قلوب من الظمأ
ويحط لك كل الأمل قدام
حتى تعيش ابعد كثير من الأمل
حتى يحلّفك السراب
إنه رواك من الظمأ
وتقول بلسانك ترى
إن الظمأ ما عاد أنا فيني ظمأ
ولا عاد إنا ودي بماء
ابي الرجوع .....
ابي اصير اقرب كثير من الأمل
ويصير لك درب الرجوع أكبر أمل
درب الرجوع .. لا ما يصير
حتى تموت أبعد كثير
خلاص وقف لا تزيد
العمر ينقص لو يزيد
شوف البياض
يهدد سكون الفياض
حاولت اغير .. ما قدرت
اللهم لا اعتراض
احيان نكتب ما يدور
في كل ارجاء الخيال
وحيان صعب اللي نبي
لو المبادئ ثابته
خيال يتعدى الحدود حتى لو إنك كابته
صدقني مدري ......
من كثر ما هو مستحيل
لا نستطيع كتابته
أو يستحيل على الحروف
أو يمكن تكون الظروف
لكن المهم أنا نموت
وما كتبنا اللي نبي
يمكن تكون اهي الظروف
أو يستحيل على الحروف
لكن المهم ..............
ما هو مهم
لكن الأهم في كل يوم يكون هم ...
...........
|