[يحيى ابن فالح الاحمري]

قديمه لكن لعها تنال استحسانكم

الجو كفو ومـا يبـي زود تفكيـر
هد الخيال الكفو وانظم لـك ابيـات
واكتب عن الدنيا وانا خوك تقريـر
واحول بقعا لااقلبلت لـك بصكـات
شفت العرب تاقف لعينـه طوابيـر
واخترت طابور السهر بس ما جات
سفطت عفشي قلت يانـاس باطيـر
يمكن نقابلها في الشـرق لحظـات
على مطار ابها وانا عاكس السيـر
مستعجل وقلبـي تزايـد بخفقـات
جيت المطار وحزتي باول عصيـر
والحظ عاندني على خمس رحـلات
والسادسه حطت عفشي على السير
سبقت حظي بس في خمس خطوات
رقيت سلـم طايـره جوهـا غيـر
بعد العنا برتاح لو بضـع ساعـات
واعلن بها الكبتن على طول بنطير
للي يبي يدعـي ويقـراى بالايـات
وانا اتذكـر ددسنـي والمشاويـر
ومفارق الديره على شان حاجـات
وماطورنا لاخرب في قاعـة البيـر
من يجبده ياناس يجزى بحسانـات
تفكير متواضـع ولا فيـه تشفيـر
هذي حيـاة الباديـه يـا بشـاوات
صاحو الكباتن واسمعوا يامناعيـر
في نجد وقفه وانتو اهل المـروات
هـذا خلـل فنـي ولافيـه تدبيـر
وهذا مقدر مـن بديـع السمـاوات
حطت على المدرج وراحت على خير
وابشـرك عـدت وقالـو سلامـات
اثارهـا خطـه تـذاكـر بـتـزوير
من شان ينزل في عظيم المحطـات
ثم انزلو نـاس ونـاس مشاهيـر
وانا على الكرسي واعد البهـاوات
ثـم اقبلـت ريـم تقـود الغناديـر
فـي يدينهـا باقـة ورود نـديـات : طاعون طاعون

ثم وقفت وانـا تسمـرت تسميـر
ترمي علي بعينهـا بـس نظـرات
رمت على الورد مـن دون تعبيـر

راحت وانا اناظر عليها بحسـرات
فزيت من وقتي كما سالـم الزيـر
الحق وراها والسعد جـاك بسكـات
ثمن لحقني شايبٍ مـن هل سديـر
وجه علي بالله تعـدى المضيفـات
رجعت راعي طير ومضيـع الطيـر
مغير اتمتم بـس للنفـس والـذات
واقول يا حظي علـى الله مقاديـر
طلعت لي شايـب معمـر ولا مـات انا اشهد
ومن يومها وانا حبيـس التفكيـر
واحرق على ورده في الساحه ابيات

هول الليل