السلام عليكم ورحمة الله وبركاته ...
قصيدة من إحدى كتاباتي المتواضعة واتمنى أن تنال إعجابكم وأحظى بتقييمك عليها وتوجيهكم ... ولكم التقدير
الله يسامح صاحب ٍ قد حط في قلبي جراح=
والله يحلّه مالذنوب ومن خطاياه ويبيح
دمحت زلّـتْـه ونسيت وقلت ما قد راح راح=
والله يصبّر قلبي اللي من عَنَا الزلة جريح
لو كان يدري ويش قدره ما تمادى واستباح=
لكن مصير الوقت يشرح له وعالخافي ويزيح
كنت احسبه مثل الشهد واصفى من الماي القراح=
بس ان مشاخيل الزمن تصْفِي الجميل من القبيح
ما ضاق صدري من سواته بس كبدي منه فاح=
واسكت واذا قالوا الخلايق كيفك ؟؟ آجاوب منيـح!!
ما ودّي اترك للشماتة والعذل دربٍ متااااح=
يكفي حكاها يا رفيقي في قفانا تستبيح
ولّا ان خطاك ابلغ من الكيّات ووسوم الرماح=
واعظم من البدر ومن الشمس ومِنَ الكون الفسيح
المشكلة يا صاحبي ماهيب بصدري يوم ناح=
فآنا من وجودي وانا عايش على همي واصيح
والمشكلة ماهيب في داعي جفا ولا سماح=
فآنا سمحتك واشهد اني من خطا فعلك طريح
المشكلة لا من رفعت انسان في عينك وطاح!!=
ودّك عمى عينك ولا ينزل من العين ويطيح
محمد آل مريع ...
وسبق أن طرحتها بمنتدى قبيلة بني عمرو بمعرف ( جبرني الوقت ) لذلك وجب التنويه ..
كل الشكر