السلام عليكم ورحمة الله
احبتي ....اسعد الله جميع اوقاتكم
قصيده مختصره اتمنى ان تحوز على رضاكم ...
شق الضلووع وخذ لك اللي بقالك
خذ كل مافيني ليا صرت بتروح
حبك مواعيدك تفاصيل شالك
حتى قليبي لوبتاخذه مسموح
لجل الغلا واوقات حبك فدالك
تستاهله لو تنتهي بعدك الروح
لعلني اسلى بموتي بدالك
لوعشت موّت عيشتي كثرة النوح
كم قلت لك وشلون ترحل لحالك
نرحل سوى وإلا سوى نترك الروح *( الذهاب)
من وقتها مدري وش اللي جرى لك
قفلت بابك عقب ماكن مفتوح ...!؟
كأنك استسقيت دمعي وجالك
كريم يا جفني ولو كنت مجروح
كبيت دلة شوقنا في ظلالك
من عقب ما كانت على ذكرك تفوح
شق الضلوع وخذلك اللي بقالك
خذ كل مافيني ليا صرت بتروح
.
.
.