إقتباس:
الرسالة الأصلية كتبت بواسطة عبدالله شامان
ورد ابلك وارعها حول الضلوع
خلها تشرب من عروقي وأنا
باحمس لك بن وآجيب القدوع
من رطب عذقك الى منه دنا
هاك من فنجال وصلي ياقطوع
مدته لك حب وارجوعه عنا
اشربه من قبل اشوفك ثم اجوع
واتفيا تحت رمشك من سنا
غرتك ذا اللي تهيا للطلوع
كنها شمس الثلوث اللي جنا
من صباح السبت لي عصر الربوع
والخميس وجمعته صارو هنا
وجنتك فيها مبادي للسطوع
كن سور الشمس منها انبنا
لاتسلهم لي ترى هذا شروع
في قتل نفس تشوف ابك المنا
ولاتبسم لي ترى ماني خضوع
وخايف آعلم شموخي الانحنا
في عيونك شفت معناة الخشوع
وفي هدبها شفت معناة الفنا
علمت كل البشر معني الخنوع
كل واحد شافها كنه زنا
خصرك اللي ماخذ بدنياه جوع
تحته الدنيا تمادت بالغنى
وصوتك اللي كل حرف منه نوع
كنه ايجدد مفاهيم الغنا
تاتي الالحان له غصبا وطوع
ضيع اهل الدان واهل الميجنا
انت يالطماع يا اصل القنوع
انت يالمتمايل اللي ما انثنا
انت يامغادر بكى درب الرجوع
انت يالراحل ترى حبك هنا
انت ياالاصل ارفق بباقي الفروع
كل فرع يقولك الله لنا
طالبك ماعاد فينا للدموع
خلنا وياك ليله وانسنا
خلنا نوقد حوالينا شموع
ونحتفل في قلب عاشق اهتنا
يوم شافك كنه ايزيح الضلوع
ويحتفي بك لين ضيعني انا
........
|
الله الله يا عبدالله
استبيحك العذر لأحتفظ بهذا النص في جهازي
شكراً على هذا الأبداع