المعذره قصدي لغيرك من الناس=اللي عساه افداك يانور عيني
قدره تحت رجلي وقدرك على الراس=يشهد علي الله لروحي وزيني
خيب ضنوني مثل من يطبخ الفاس=يرجي العشاء والفاس عيا يليني
صدق هل النمه وكاذب وبلاس=وظهر خفايا حقده اللي دفيني
ابيه عون وصار فرعون في اللباس=ارجي يتوب ويقضي انصاف ديني
بالهرج دايم في قفا الناس لحاس=هذاك زين وذاك ماهو بزيني
باخلاق خلق الله طارش وعساس=يجنّب يسار ودرب غيره يميني
ولاشمت عليه اصبح حديثٍ لجلاس=كما تدين اتدان لو بعد حيني
من ضحك بالثرمان يضحك بلا ضراس=ومن شق ستر الناس لازم يبيني
ومن طاح لابده بالاقدام ينداس=ومن لا رفع مقدار نفسه يهيني
الذيب هاب الصيد والثعل فراس=يقنب قنيب الذيب فرخ الحصيني
من باعني بعته ولو صرت مفلاس=من حال وغلا ماتحوشه يديني
بعدي عن ديار الاهانه تنوماس=وعن من ضحك سنه وهو مايبيني