يا بنت جاك الحب في شيك مفتوح = خطي عليه اسمك وتوقيعي ادناه
من شاعرٍ ماله بدنياك مصلوح = غير انه يسامر عيونك بدنياه
باين عليّ العشق والشوق والنوح = حالي نحل والزاد يا بنت عفناه
بس انت تستاهل يا مزمز يا مملوح = ياخوخ واشهو الخوخ لاصرت مجناه
التوت مستعمر شفاياك ويفوح = عطره مع انفاسك اذا قلت لي اه
اموت ليه اموت يا موت مسموح = اخوك يكفي سابر لي بعيناه
والصوت من زود الغنج صار مبحوح = يا رقة اسلوبك وانا اسمع حكاياه
الليل الاشقر منثر واشغل البوح = اشغل حروف الشعر وازريت لا انساه
تعال عمّر قلبي ابراج وصروح = وازرع ورودك فوق صدري يا ويلااااااه
وخل الهوى سجات وضحوك ومزوح = وتعيش طعم الحب وتشوف محلاه
حطي شروطك واكتبي العقد بوضوح = وانا علي انفّذ العقد وارعاه
دوك الهوى والقلب والشيك مفتوح = خطي عليه اسمك وتوقيعي ادناه