احببت ان يكون اول نشر لجديدي في شعبيات
فـ تحملوني 
اعدكم ان استكمل ردودي السابقة
..
ياارذل العمر ..
بالله ويش ناوي بي ؟!!
في ذمَّتْك ..
ان كان ربك يستحى..
من شيب عبده
ماتستحي من شيبي ؟؟!!
بأقعد هنا ..
خليني آخذ لي نفس!!
لو كان فيني صدر يتحمّل /
من انفاس التعب
ايّة نفس!!
ما عاد باقي بي؟!
مادام كل فجرٍ وأنا ..
عنواني بأية رصيف
.. عليه ترميبي!
خليني اترّيح هنا..!!
وين انت ماشي بي..!!
..
ياعمري البوّاق /
.. اولك كان / فراق
وفي آخرك ..
طيحة كسير الساق!!
حتى صباك العاجز اللي/
كان يستر عورته /في كبرياء ونفاق
كان اجمله : ورعين !!
الأول : طلع عاق !!
والثاني :
.. معاق!!
..
ماعاد ياليل الوجع / باقي احداق
ياراجيٍ .. من مزن الأحلام / هملول!
سرّاق/ ينهب من ردى الحظّ / سرّاق!
معلول/ ومصدق يداويه معلول !
يالايم ٍ صدر الدحيمي / اليا ضاق
بدلت / لامعقول الأيام / معقول!
والا فأنا عالدرب / والساق بالساق
ماصدّق الحكمة / من لسان مهبول!
لكن شفت بعمري / الوان وأذواق
واضرب لك مثال ٍ / على كل ما اقووول :-
اعمى.. رزقه الله ولد / لكن معاق !!
وتاجر .. ولا له غير بنتين / وخبول!!
ومشلول.. جاء له طفل / لكن طلع عاق!!
وعاقر .. تبي طفل ٍ / ولو كان مشلول!!
محمد الدحيمي