[عبدالرحمن الهلالي]

الرسالة الأصلية كتبت بواسطة محمد الدحيمي

لحظه يازمن لعيون الهلالي

..

معذور نجم سهيل لو غازل سواد عيونها
ومعذور لو غار الزهر والورد من ضحكاتها

ذيك الشفاه اللي غدا لون الشفق من لونها
وذيك الخدود اللي نسيم الليل جرّح ذاتها

كل الحكي قلته وهي تسرح ببحر ظنونها
مغرورة ٍ ماتلمس الكلمه حمار اشفاتها

ابنشدك يالنرجس اللي ذاب حدر اجفونها
هو به حبيب بقلبها .. والاّ حبيب ٍ فاتها!

ياقدرة الله كيف ضيق الوقت وقّف دونها!
انا انتثر كلي / وهي قامت تلم اشتاتها

كلّ الحكي قلته وهي تسرح ببحر ظنونها
كن القصيده عندها اصغر وحدةٍ باخواتها

والله لو طاعتني وهلت علي مزونها
لأروي ظما روح الشقا من نيلها لفراتها

نوب الخجل يوفي ملامحها.. ونوب يخونها
ياحلوها .. بغرورها ..بفجورها.. بسكاتها

جادت على ردن اللثام وعضته بسنونها!
وبخلت علي ّ بنظرة ٍ ياناس من نظراتها

..

واكشن يازمن

الله الله يابو بدر
هذا النص يعني لي الكثير
صور شعريه تكفى لعمل لمحات لالف قصيده

ويابختها بنت الغرور اللي ذكرت صفاتها

لحظه للتاريخ وللذاكره