.
.
.
.
.
.
مصير جرحي اذا رحتي يبي يبرا
............... لو ان مافيه آشدْ من طعنتك واقسى
لكن وش اقول لاجابتني الذكرى ؟
............... وانا ادري ان الحبيب يموت ماينسى
من البدايات : )
للحين / وجهي منكسر في مراياه !
................. للحين / اذكر كيف ضقت وبكيته !
قبل الحنين يجيب دمعي من اقصاه
................. اخذت .. دمعي في يديني وجيته !
جيت المكان اللي شهد يوم فرقاه
................. معي كلام ( يموت بي ماحكيته ) !
كني طفل راجع لحضنه ومربآه !
................. يدوّر .. امّه بين ( حيّه وميته ) !
محروم .. الا من جروحه وذكراه !
................. ( فقير ) الا من شموخه وصيته !
من يومها وانا ادوّر على اشباه !
................. ترد لي عمراً قضى , ما ابتديته !
ياكثر مافيني من الضيق وال ( آه )
................. اكثر من الحرمان , لامن طريته !
كثر العذاب اللي سكن في هداياه !
.................. كثر الأمل ( لاقلت بأني لقيته ) !
رغم ( السنين ) اللي مضت اتحراه
.................. عجزت اقول اني كبرت ونسيته !
مديت له قلبي .. وروّح وخلاه
................. الظاهر انه ماعرف وش عطيته !
,