صباح الخير على الجميع ,, هذي هي اول قصيدة لي بينكم أتمنى من كل قلبي ان تروق لكم او تجعلني اهلا للمكوث بينكم
في ليلة البرد وعيون الغداري بدر=ملامحي ترتجف ودموع عيني دفا
ارفع عيوني سما والدمع ينزل حدر=وسراجي اوقد بقلبي ذبلته ثم طفا
كونت ديرة وفا في جرهدية صدر=وفي جرهدية صدر هديت ديرة وفا
كل العذارى وهم ! الا بعض ماندر=ثلاثة ارباع حقد../ وربع عشق وصفا
اصبر على من أحب ارضى بحكم القدر=لاصار وقتي بخيل وصار دربي حفا
امشي وكل الخطاوي ناوية بي غدر=اتحث بي للفنا والدرب يصرخ , كفا
في داخلي تمطر ايامي عذاب وتدر=وابحث عن الصحو وانا تحت غيمة جفا
وان كان لي في عيون الوقت شان وقدر=فموتي بطعنة وجِه ماهيب طعنة قفا
اخوكم سالم بن لجعان