أتمنى أن ترتقي لمستوى الوطن ولـ ذائقتكم
لا أسلوا عن سر وحدتنا = قل لهم قدره إلاهيه
من كتاب الله قوتنا = قوةٍ بالدين مبنيه
الوطن هذا هويتنا = تفتديه أرواحنا الحيه
دائماً من فوق هامتنا = ودائماً فـ قلوبنا ضيه
كل شبرٍ فيه بصمتنا = بصمة الحب الولائيه
لو نجي نحصي محبتنا = للوطن حسبه مئويه
يطلع الناتج بحسبتنا = وتطلع النسبه على الميه
راية التوحيد رايتنا = بذن رب الكون محميه
هي كرامتنا وعزتنا = وهي عقيدتنا السماويه
وهي رسالتنا وغايتنا = سر توحيد الألوهيه
انتميز في علاقتنا = وبالولاء وبصادق النيه
بيعة الأجداد بيعتنا = من قديم الوقت رسميه
انجدد البيعة لقادتنا = بيعةٍ بالحق شرعيه
قالوا الجمعة نهايتنا = وقالوا أشياءاً خرافيه
وكانت الجمعه بدايتنا = حي شعب المملكه حيه
وكانت الجمعه رسالتنا= في قلوب أهل الفتن كيه
وكانت الجمعه حميتنا = واضحه ماهيب مخفيه
شرفتنا تلك وقفتنا = جسدت معنى الوطنيه
الفتن ماهي طبيعتنا = ندحر الشيطان ووخيه
زمرة التخريب ما أشقتنا = زمرةٍ بالغدر مبليه
زمرةٍ لو بالخفاء جتنا = ما لها إلا حد جنبيه
نال عبد الله محبتنا = وكلنا نحب السعوديه
وسلامتكم ودام عز الوطن إن شاء الله