بسم الله الرحمن الرحيم
سعيد جداً بتواجدي بينكم واقدم لكم مصافحتي المتواضعه
قال الذي ماضي حياتـه تجـاريـب=جرب جميع الوقـت حلـوه ومـره
من عايش الدنيا يشوف التعاجيـب=وياخذ عبـر ودروس ممـا يمـره
نصيحتـي للـي يعـرف المـواجيـب=ويعمل على المعروف جهره وسره
إلى فعلـت الطيب لا تنتظـر طيـب=لا تنتظر غير الرداء والمضـره
مهما تجمًل فأكثر النـاس وتطيـب=لو صرت مأنت بخير ممـا يسـره
إن كان يرجي فزعتك فعـلك مصيـب=لوتكسحـه تسعيـن مليـون مـره
والى اغتنى كلك عيـوب وعذاريـب=ولا لك من المعروف مثقـال ذره
تبغى الصحيح وتقطع الشك والريب=ياطيب من كافـاك خيـره وشـره
الشاعر:متعب العطاوي