يسأل الليل الصباح بـ أي حق اليوم جيت=بكل يوم تشرق الشمس وتغيب ..ويبتدي
بي مراسم للعزاء بدفن روحي ..يالمميت=بعد ماكل البراد ..الصفق فيني ..جرهدي
في اسى نزف الشعور اللي بناني فيك بيت=يستحث الليل عنوه ..ينجلي لجل ..غدي
وش أمر من القرف ..لامر فيك ..وانت ميت=الا انك حي ..تشعر في قرف ..جاك يعدي
يوه من هذا الشعور المر ..لامن مر ني ولادريت=إن غد الحلم ماهو ..علم جاني ب مرقدي
بؤس هذا الليل ..يكتب ..كل بؤس ٍ ..به سريت=والخوي سهيل ..وانتي ..ياحياتي ..والجدي
كل ليلة حزن غنت ..في لحنها اللي ..بديت=ياصباح المر ..مر ..ومرني ..وانا ..وحدي
من بديت أحس فيني ..ماني فيني ولاحكيت=ومن بديت أحس بالماء ..مالمس ..باطن يدي
عايش بين الغيوم ..أكن غيم ولا نشيت=أمطرت بي ..كل غيمه ..حب ..لعيونه ..فدي
ساعة أحلم ..في غيابه ..كل ليله ..لاصحيت=أصحى والقها بجنبي ..جالسه جنب سعدي
ساعة تمسح بيده فوق شعري ..ثم غفيت=وقبلتي بين حجاني ..واهي تقول ..بعدي
للكلام اللي اقوله ..دون ماشعر ..واستميت=في شعوره قبل اقوله ..وسط ليل ٍ سرمدي
ماعنيت إني اقوله ..لكن إني به عنيت=كل احساس ..يترجم ..كل اه ٍ بي ..ودي
واصحى أصحى من غيابي ثم انظر يم ليت=واتمنى ..قبل لصحى ..إني مت ..ولا وحدي
بس معذور ٍ زماني ..ما ألومه ..لا نويت=انشر الاهات ..منه ..لو خذا ..الثار ..ولدي