فز القصيد اللي شهل حر ..وكره=من ضيقة به ..كللت حسه بضيق
ماهو بطير ٍ ..موكر ٍ فوق ..شجره=حر ٍ يروم من السحاب ..الشواهيق
ما خان قدره ..يوم به خان قدره=ولا سمع صوته ..باحاسيس تلفيق
يكتب سطر (نقط ..نقط ) وسط سطره=ويقول هذا الفرق من دون تفريق
يا بنت ..كان الشعر ..يحتاج ..جسره= انا زبونه ..لا خلصن ..الطواريق
ربي خلقني ..شاعر ٍ دون كبره=ماكبره شهره ..ولا يوم به سيق
يطبح بقدر ضلوعه العوج ..جمره=ولا ترجى يوم ..توسيعه الضيق
ولافار احساس على جال قدره=هدى على نار الوله ..يامخاليق
يعيش سكره حرف باحساس سكره=من ريق ..لاكن غير..ماهو باي ريق
عذره ..يقول الحرف ..ما ناح ..عذره=ولا رفيق العام ..أضبح لي رفيق
يا حس ..وطر الشوق لافاق وطره=ما طفى قلب يتلهب في حريق
شاعر ..ولامن قط بحساس غتره=وثنى العقال بجنبها ..يطلع طويق
عالي ..شعوره ..والبسه حس شعره=وامسى يويق من السماء تحته يويق
وغنى لحن حزنه ..على لحن كسره=بعد مابل بعالي الغيم ..له ريق
عاش الشعور ..وعاشبه كل سكره=وحاول يفيق ..ولا قدر عنْه يفيق
ماهو على خبرك ..ولا انتي بخبره=صديق ..لكن ماهو حي الله صديق
فرقه عن الشعار ..من يوم صغره=واهو على طرق الاحاسيس ..ذويق
ماغره اللي غر ..غيره ..واغره=جرح ٍ بعثه الحس ..من دون تصديق
سيفك ..طعني ..وانغرس فيني جفره=واصبحت انا منه ..بلاحس ..ما افيق