[QUOTE=سعيد بن مقبل الأكلبي;311169][INDENT]
إقتباس »
الرسالة الأصلية كتبت بواسطة
محمد الدحيمي 
إقتباس »
الرسالة الأصلية كتبت بواسطة سعيد بن مقبل الأكلبي
( حذفت الصورة لأسباب امنية 
)
الدحيمي حمّل الموتر وروّح صوب بيشه
تاركٍ خط الحجاز وضاربٍ خط الصحاري
لازم الطاره مع الزحمه وراسه فالدريشه
ماسح الطبلون كنّه ماسكٍ طارة فراري
راح من جده وخلاّ طيرها منتوف ريشه
مرةٍ بين السيول ومرةٍ تحت الكباري
لو ترك لي طيره المنتوف ريشه في عريشه
كان خليته عقب يومين يرجع له كناري
الله اكبر يازمن كم واحدٍ مسحوب فيشه
طافي ٍ .. ويقول : شوفوني قمر بين القماري
لو يصير انه صحيحٍ .. ماورى بيشة معيشه
سلعة الدلاّل .. تقعد بين بياع ٍ وشاري
مشكلتك انك الى عمرت لك لو راس شيشه
قمت ترميها يمين .. وقمت تفهقها يساري
كلت لحم الصيد .. والحين اتعظم من عريشة
جيت له / مـ الريع .. وانت مع الثمايل و الزباري
ذا جزاء اللي مثلك يعرض خوية للغشيشه
وانت داري / غير سقها .. لاتسوي مانت داري!
والملكع .. قولة اهل الشام ( .. لك يحرء حريشة ) 
ذبها من ( التحلية ) .. حذرا تعوّد يم ( صاري) !
ياصباح الخير ياقطوه نسميها مشيشه 
خربشة وجه الزمان وزودة هم انكساري
ماتروق الا تجيب الطير وتنتف بريشه
لين صار الطير يخشاها ويرقد عند جاري
ايه والجيره لها حق ونقاسمها المعيشه
كبسة البارح دجاج وكبسة الليله حباري
وكل صقر طار بالعالي وزودها بطيشه
طيحته يبغالها عسكر وسيارة طواري
علموا يعرب معمر ناوىٍ يغدر بجيشه
دام حسني عند برايه وقال الدار داري