كل ماهب النسيم ..وهبهب الغربي عليه
.......قمت أذب لعينها ..ياسعود في راس الطوال
بنت مثل الغيم . ديم.تغيب ثم تحضر نديه
.......لابدت في قول وينك ..يافهد ..قلت ..إحتمال
إني تحت الجاذبيه مدري فوق الجاذبيه
........يعني يابنت الحلال ..الحال حاله ماهو حال
كل ماضاقت عليه ..قمت أغني واعلي
............يابعد كل الدلال ..البعد هذا ..مو دلال
لا تخليني أموت ..وموتتي أكبر خطيه
.....وانتي ليه راس مال ..ولا سوى هالراس مال
ياعيون الشعر ..مرحب ياهلا ..يالاجوديه
...............ياهلا يامرحبابك ..عد ما زل الهلال
من خفوق ٍ فيه كيه ..واندبل بالبعد كيه
............كل ما غنى يا لال ..يزيد لاله قبل لاال
البحر في وسط صدره يلطم امواج عتيه
......والسفينه ..في خفوقه ..تحمل بنبضه سوال
من يطفي خافقي لامت انا والنار حيه
......من يعزي ..طفلتي ..في موتتي ..والموت حال
يا مهيه ..يامهيه ..يا مهيه ..يامهيه
.......من سواك اللي فراقه ..سوى بالقلب المحال
فالعني إبليس لجلي ..واسمعي قولي هنيه
...........يابعد كل القلوب ..القلب نادى لك تعال
زمني ..زم الصغير ..إن زمه بلهفة ..اوبيه
.............ولا تخلني أضيع ..بعالم ٍ ما فيه وال
قربي ..صدرك عليه ..ااه ..يامحلاة ..ذيه
.........بس لا اسمع كلام ..ولا ابي عنها سوال
ويش ذيه ..ماهو شغلك ..ااه من ذيه كذيه
........لابدت في شي مال ..ومال معها القلب مال
فاقع لونه بياض ..وفيه ما لاقيل زيه
...........في شي من هبال ..يورد العقل ..الهبال
يعني كنها مزهريه..ياخي اية مزهريه
....هذا شي ِ من خيال ..وصعب وصفه بالخيال
شي غير ..وبه حرير ..ولايبين محتويه
..يعني ..ما لايعني احسن دون وصف ٍ او جدال
فيه من طعم الشهد والخمر ..لاجا مخمريه
........اااه ياخمر الشهد ..من فوق ٍ خال لايطال
كنها ..تقول طالع ..لجل أموت بليا ديه
..........ساعة تفك الزرار ..وينفتق دون أعتلال
بارز ٍ يالبى والله (شمته ) لوهي شويه
.........في ظلال ٍ فوق بدر ..لاتمثناني ..ظلال
أنقسامت ..نهر ..دجلة ..قال لي سلم عليه
.وجيت احبه فوق خشمه ..ثم طحت من الثمال
قال لي دق التحيه ..قلت كلي له تحيه
..........ثامل ٍ لعيون نهر ٍ ..ماه ما ماه بزلال
يمكن أنه ..لو يذوقه ..ميس ٍ يلقى شفيه
.......بين حال ٍ ما تطعم وان تطعم بس حال
لا تحدر ..تحت زمه ..بان مضمور الشقيه
........وابتدا ذب العمامه ..من قبل ذب العقال
يا عيال الشعر ..غنى ..والحروف الابجديه
.......لو تحاول ما تحاول ..ماتجيب ام الدلال
المهاة اللي رمتني ..في دروب (الم:هم:هيه)
..........ليتها ماقالت اللي قالته ..وقت الزعال
بنت يابنت الرجال ..العلم في صدري شظيه
.........وكان مايرضيك قولي إذبحيني لك حلال