إنتي بكره
إنتي بكره و ما يجينا .. دام بكره أنحبس
إن بقى بزنزانة امسك .. شققي روزنامتك
إنتي بذرة خير لكن ما غرسها من غَرس
إنتي قامه .. ما توازي طول حتى قامتك
انتي لو تحكي الحقيقه .. تصرخ بإسمك و بَس
انتي مهما تنصفينك .. الليالي ضامتك
إنتي قبلك .. و انتي بعدك و انتي غصنك ما يبَس
إنتي للعصفور تمره .. و الليالي صامتك
إنتي علقتي جَرَسنا .. و ما دروا أنه جرَس
الرنين اللي في صلبه ..وعد يوم قيامتك
البراكين الدفينه .. مثل ضرسٍ قد ضرَس
ما خمد بك كل خامد .. ما حنى بك هامتك
من درس وقته بجهله .. كن عمره ما درَس
إن تنفستي تموتي .. إلبسي كمّامتك
لا يهمّك كل فكرٍ .. في زمنـّا قد عبَس
أذنّي بوجه الزمان .. و صلّي بعد اقامتك
عبداللطيف بن عبدالله بن عبداللطيف بن ابراهيم آل الشيخ