|
رد : ((( المقـ ( اسبوع بدون جمعة ) ـبره!! )))
ياطفلة قدر ..
ياسمينٍ ماسقاه الاّ الدهر..
دم وقهر
تعرفين الحزن ؟؟ او هو يعرفك ؟؟!!
او تلاقيتوا بلا سابق وعد ؟؟
من شرى لك لعبة العيد الجديده؟؟!
ليش ماتشبه هداياك الهدايا ..؟!
كل عيد .. والهدايا
جرح واحزان وقصيد
مانشد ( يـوسف )؟؟
مانشد (يوسف ).. عن الغي وقميـصه والذياب!!
ما نشد ( يعقوب ) .. دمعه وش خذا من محجره ؟!
المصيبة..
شوف المصيبة ..
لا رمى الفارس بصدره للحــــراب
مادرى انه كلّ حصني / في بلاده عنتره!!
فوز .. لاصرتي مره / تقرين صفحات الكتاب
وتعرفـين ان الزمن رجــّال / لاصرتي مره!!
وتعــذرين اللي قفل حظّـه بوجـهه / كلّ بـاب
وانفـتح له بـاب لكن / كان ..
بـاب المقـبره!!
محزنه بل مميته !
تكتب الحزن ببراعة
لانعرف من يكتب الآخر
صح ضميرك وصح قلبك الصافي
على كل كلمة وكل حرف
|