19-01-2011, 01:52
|
#1
|
|
شـاعر
|
الافواه
اسعد الله جميع اوقاتكم بكل خير
ومبروك امطار الخير انشالله
يقولون من قال هااه سمع
وانا اقول
لا تــــقول ما تسمع بعد قلت لي هاه
دريت وادري اغلب النــــاس داري
ما للزعل في بعــض الاحيان مــدعاه
الجـرح ليلي والــدواء في نــهاري
قــفلت في وجه المـــشاريه الافواه
وابديت لعــيون الزمـان اعــتذاري
لو ضــاق بالـــبحار هرمز ومجراه
ما ضــــاقت بعين الجمال الصحاري
صــفحه وبطـــويها بعد جاه ما جاه
انا حـضاري وفالزمان الحـــضاري
لو يــبخل الهــاجس علي بــهداياه
ما قّلت براس الشـــجاع الطــواري
يحـتاج لي واحــتاج له واطلب رضاه
ما اشـــوفه الا الستر لاحساس عاري
اسري مــعه واداعبه واقــطف احلاه
واترك لغــيري ما بقا من اخــتياري
يا انا الــغريب اللي فـقد ما تــمناه
مكســور لكن ما يــبين انكــساري
انا الشتات بدق وصـــفه ومـــعناه
اقول هاااااااااااااااه ولا اول اسمي مشاري
جرحه تـــغدا بي قــبل لا تـعشاه
فرصه سعــــيده يا دروب المساري
والضـــحكه اللي واقــفه في شفاياه
خلــتني اطــلب ما يرد اعــتباري
لو كل غـــيم لا عبر ينـــتثر ماه
ما لمت وقـــفاتي وطول انـتظاري
مضــــمون ما فيني وصدقه وفحواه
شــــفني اقدم للــجروح اعتذاري
الثامر
|
|
|