|
ولهان والالوان
تصوّرتك سوالف ليل وشفتك حلم بالأوراق
تصورتك قصيدة عشق تكتب كل أوراقي
حلمتك وأثر أدمنته خيالك لين فكري راق
وليت الغفوه اللي فيك غدت نهجي وميثاقي
كتبتك في وطن قلبي مدينه كلها أشواق
تحرك قلبي بنبضك وحرّك حبك أعماقي
سهرتك من صباح الليل حتى آخر المشراق
أسولف مع رياحينك عن الورده وعن الساقي
نثرت العطر بيدينك وزينك ذوّب الأحداق
وأنا لو ذبت من قلبي أبد ماعاد بي باقي
أحبك لين تتجاوز حروفي لهجة العشاق
أحبك لين هذا الحب يثبت ندرة أشواقي
أحبك وأعشقك حتى وانا في كل يوم أشتاق
أحس العمر مايكفي ولاتكفيني أوراقي
لي عوده الى محاوله رؤية القصيده بطريقه اخرى.
|