إقتباس »
الرسالة الأصلية كتبت بواسطة عبدالمحسن بن عبد الله الفرهود 
السلام عليكم يالربع
امس عندنا الله يدفع البلا عج وغبار والجو حقيقة غير مناسب لكتابة المشاعر ولكن الأخ علي التركي كعادته يخلق من الفرص مناسبات ولذلك فهو أسر لي بأن -بعض الربع- ديارهم ماشاء الله تبارك الله خير وبركة وامطار فقلت لابد من مداعبة تتزامن مع هذه الأحداث لذلك تمثلت بها البيتين :
ياسعيد ياسعيد ابن مقبل نخيل البروق = اللي تكاشف وعدى الراس همالها
وانا عليها يابن مقبل تراني شفوق = اوطاننا ممحلة ما عاد يعنا لها
ودياركم من فضل ربي عليها حقوق = بيشة واهلها نخاف السيل يشتالها
الارض فزت ولبست ثوبها اللي يشوق = تميس من غنجها والعطر في شالها
وانته وبعض العرب فيها صبوح وغبوق = ما بين وضحا وملحا يبهر ابهالها
ادعو لنا ياعرب بيشة بقلبٍ صدوق = الناس للناس والنيات واعمالها
وسلامتكم
ارحب يابوعبدالله
ويشرفني اسنادك الله يجمّل حالك
ومرحبابك في ديوانية شعبيات
حيث الشعر والأخوة والنقاء والنفوس المرحه
وعسى الله يعوضكم فالعج والغبار بالمطر والخير النافع
يامرحبا والنخيل مهونعه بالعذوق
اللي رطَبْها يحَوّل قبل يُرْقا لها
بالشاعر اللي تمًثّل لي بزيَن الطْروق
يوم انّها له تطيع امره وحِنّا لها
اسْلم وسَلّم وخذ ردٍ يبل العروق
ويسن درب المعزّه قُدْم من جا لها
حنا هنا فالحجاز وللمرابع نتوق
ياحي بيشه وطاريها ومن قالها
والخير عند الحجازيّه وعند الشْروق
الارض بجبالها / والدار برْجالها
وكلٍ على ديرته لابد جوّه يروق
مادام يعْرف مخارجْها ومدْخالها
ندعي لكم بالحياه الطيّبه والوفوق
والدعوه الصادقه تمشي على فالها