|
رد : لحظتك الآن .. بكل صدق
إقتباس:
الرسالة الأصلية كتبت بواسطة محمد الدحيمي
إقتباس » الرسالة الأصلية كتبت بواسطة طلال الشعلان 
من يوم حزنك غير جده غدت غير
ياالشاعر اللي له مع الوقت - وقفه
وين انت ساري تترك الجــــــن في بير
حنا اربعه ياحادي الشعر ---تكفـــه
الاكلبي - التركي - والاحمد بتكبير
وانا معاهم يااابن الاجواد ( طرفه:d
ومقدور نسيته ليش ياطلال 
ونعم بكم وأمثالكم ياالمناعير
ولكل كفٍ .. يابو لورنس غرفه
قدني مسرّي الجن ومعاقب الطير
مير الزمن ماجاد نحسه بصدفه
والا الحزن هذا .. معي من وانا صغير!
والف علي! .. وانا تعوّدت ولفه!!
اغلب ليالينا سهارى .. ولا غير..
حزني / وسجاتي / وجدران غرفه!
ياشيخ / ياسعد الخوي / بالمعاسير
لو عـ الشعر .. مبطي قد أكلت كتفه!
غير انت خابر صاحبك والمسايير
دايم وهو يزرع وغيره يقطفه!
لكن بنات الدهر صفن طوابير
شفني !! / مثل من باع سجنه بحتفه
وبالقوم رجالٍ يشطْف الطوابير
وانا ماني حي الله اللي يشطْفه!
والناس بين اللي خذا الشور .. ومشير
والحال مايوصف .. ولا اظن وصفه
واللي اعرفه / واعرف خطاه بالسير
أثري ماعرفه / واحسب أني أعرفه!!
ياخي ..
ياخي تعبت من التعب! / والمشاوير
اشيل واو العطف / وازريت عطفه
والأدمي ماهوب بحاجة لتذكير
بيرجع تراب وهو / في الأصل / نطفة
وانشد على التركي بشير التباشير
ويوقولك بيتٍ عرفته وعرفه :
هي وين بس مشملات المغاتير??
وابشر بمن يوفي بالأفعال حرفه!!
|
وين انت ساري تترك الجــــــن في بير
حنا اربعه ياحادي الشعر ---تكفـــه
الاكلبي - التركي - والاحمد بتكبير
وانا معاهم يااابن الاجواد ( طرفه:
وألف نعم يابو لورنس
منته طرفه .. أنت على الشداد يالغالي .
ياخي تعبت من التعب! / والمشاوير
اشيل واو العطف / وازريت عطفه
الله الله
سلامتك من التعب يابو بدر
والله إنك جمل محامل تشيل الثقيلات .. وش عاد واو العطف
وانشد على التركي بشير التباشير
ويوقولك بيتٍ عرفته وعرفه
هي وين بس مشملات المغاتير??
وابشر بمن يوفي بالأفعال حرفه
علي التركي :
وين مشملات المغاتير ؟؟
عطنا الاحداثيات بسررررررعة ..!
خلنا نروح نغيّر جو عندها ..
أبو بدر كالعادة يا حلوووو هالطقطقة حلوااااه
تسلم للشعر وأهله .
|