أبيات بسيطة عديتها في مقام من يستحق اكثر من شعر يكتب
و مشاعر لا يتضمنها قالب شعري مهما كان !!
في سيادة المقدم / جاسر بن عبدالرحمن الرويس العتيبي
قال الذي ما له على المدح حيله
لا صار بدعي فيه من يستوي له
امدح و يظهر لي قصيدً مجلجل
و لكن ماهو قد الفعول الجليله
اللي على شانه نشيد و نثني
و لو كانت ابياتي بطيبه قليله
حيثه هجد شعري بحزة وقوفه
و فعله همى كنه حقوق المخيله
اللي يتدارك للفزع و النخاوي
اصلي و حره جابته بنت اصيله
جاسر نعم جاسر مقدم صميدع
و المدح غاية فيه ما هي وسيله
لا صار ما للمدح درب و مسالك
عليه / قول الشعر يصبح فشيله
دامه من رجالن لحاها صدوقه
وش لي بمدح اللي يبور بعميله
هيلا / عتيبه / هيه / روقه / وبرقا
نعمين فوق 2000 يمه نكيله
وانا تحياتي ختامه وابي اثبت
صادق شعوري وارفقه مع دليله
لو كان مالي بالسناعيس لابة
لأصير فردن مع هذيك القبيله