إقتباس »
الرسالة الأصلية كتبت بواسطة سعيد بن مقبل الأكلبي 
لحظتي
.
.
ندري ان العد ياهداج,,, من جال الركيّه
والبكار اللي تصَدِّر منه,,, ماراحت ظمايا
وندري انك لو ملكت,,, المملكه والفيصليّه
راحت من ايديك ماراحت غبا،،، راحت عطايا
والنحل حدّه بعد يلقا،،، مكانه فالخليّه
مايروح من المكان بعيد،،، وينظّم خلايا
وانت يا راعي الشْمَطْري،،، والقرون العسْجديّه
وش يبي من يرْفع كفوفه تحَت،،، بيض الرفايا
كان قلت ان نيّتي نيّه،،، فلك عشرين نيّه
وانشد اللي مابرى جنبه،،، من رقوم الكوايا
الهوى يمشي كذا،،، ماله مقرْ ولا هويّه
غير.. ويش نقول في ناسٍ،،، تحدّه فالزوايا
صاحبي لاعاد تزراني ولا تشره عليه
لا تحملها ملام ولا تحملها زرايا
المرايا كسرت كل الوجيه الأولية
آآآه ياكم وجه محبووووبٍ تكسّر بالمرايا
والا انا باقي على خبرك وحسن الظنّ فيّه
لو ينثرني الزمان ولو غدى كلي شظايا
غير انا لا طبت من ذيّه .. اطيح بوجه ذيّه
وابتلشت بهقوتي والوقت سوّى بي سوايا
وأنت يانزف الجروح العارية وين الحميّة
وكيف ابأستر عورتك يـ النزف وجروحي عرايا؟
عـ النقا بيض النوايا شرهة النفس النقيّة
وعايشين عـ النقا ونفوسنا بيض النوايا
والعبي يالخيزرانه .. واضحكي يالغشمرية
يافدددديت الضحكه .. ولبيه ياثلج الثنايا
واخزريني باللواحظ .. وورديني للمنية
ااه ما احلى من لواحظ عينك سهام المنايا
السنين اقفت مثل جدب الزراج المهمهية
والعمر مايندرى هو عاد باقي به بقايا