فز ..طير الشعر ..مع فز الخفوق ..وجالك=فلاتخلين الخفوق وطير شعره يوم جاك
راعي التوت المعذره صاحبك عاشق ظلالك=كيف اجل لو شاف زولك او يدينه في يداك
له خفوق ٍ ماعرف يقول لك ذا لي وذا لك=وكل ماهو له ياحره في يده مده هداك
والله انه يابعدهم من بعادك حيل هالك=والبلا في قلب هالك يامهاتي في هواك
من جمالك بالمعاني عاش في نشوه جمالك=ومن جمالك عاش هالك من هلاك في هلاك
لملمي صدر القصيد ..وبعدها قولي لي مالك=مو خطا لايامهاتي لملمت صدر ٍ بغاك
أجمعي اهاات صدري .وانثريها بليل حالك=واتركي اهات صدري وسط ليلك في سماك
كل ماهب النسيم وفاح عود ٍ من خصالك=اشعر بموتي وموتي حل من هبة هواك
ياجميل كل عود جاوي ٍ يهوى اشتعالك=واشتعالي مثل عود جاوي يشعل دفاك
يابعد كل العيون ..وكل من جاك وطرالك=وكل من طالع عيون ..يوم طالع في حلاك
ياعيون الشعر ..والله ..كل شعري لك عنالك=فلا تردين الخفوق المرهق اليا عناك
في خصالك طحت كلي ..وااه من روعة خصالك=كل مالديت فيهن حلم ناديتك اباك
جعلني ياللي بلندن..جعلني والله فدى لك=ويلعن ابو القلب كانه .. ياحياتي ..مافداك
جيت لك احمل سوال ٍ تاه وان تاه بسوالك=كيف ضنيت القصايد ..جرت اللحن لنداك
ياعذابي من بعادك ..كيف اعيش بلا وصالك=وانتي وصلك لي حياة ولاحياة لمن سواك
البحر ..وسطه سفينه ..والسفينه ملكها لك=ياملاك الحسن روفي ..بالذي يطلب رضاك
لا تخلين المعنى ..يزعج الصوت يحدى لك=لاتخلينه يموت ..من الضمى ..والعد ماك
أسعفيني يالجميلة ..مابقى بي الا المهالك=ياهلاك الضامي اللي مات ضامي ..مارواك
أسالك بالله قولي ..من سواي اللي حلا لك=وكان مابه شخص غيري ..لاتخليني وراك