[علي التركي]

البارحة نايم
وعايش في خيال

قابلت وردة ذابلة
والروح منها ناحلة
سألتها ايش السبب
قالت :
تصدق فيه حب مجاملة !

من بعدها
تركت كل الناس
والأرض ورحلت

أطير وأسبح
في الفضاء
ولا نزلت

إلا على صدر القمر

رايق وأغني للنجوم
فرحان ما عندي هموم
وأقول من قديّ ؟!
كل الفضاء بيديّ !


وفي حلمي البارح بعد
ريحانة وتفاحتين
والليل بـ يودع حزين
وأنا محلق بين
رمشك والجبين

سبحت فـ بحور الغرام
وسمرت والعالم نيام
وطلبت ربي
رحلتي فيها تطول

عينك ملك
والجفن حارس
والرموش المروحة
وأنا مسلهم ينتظر
منك هدية تفرحه

أشفاهي ... كفوفي
تحرك ... ترتعش
خوف وبرد
تبغى الدفا
بملامسة جمرك
والسكر من خمرك

فجأة تجي
لحظة عطف
وأنا أتعثر مختلف
يا لواقف المسكين
أقرب شوي
وادفا
بحضن الجمرتين

خذ ما تبي وأرحل
إن كان تتحمل
ومثلي تعرفينه
طمّاع من حينه !

رفعت راسي للملك
بالله ممكن أسألك ؟!

قال اش تبي عجّل ؟
ايش أنت متأمّل ؟
قلت :
العفو يا سيدي
مثلك كريم
وأنا بظلك مهتدي

ممكن توقفني
هنا حارس !
وإلا أسير ومعتقل !
عايش على
نور الأمل !


صحيت فجأة
وانتهى حلمي
وندمت !!


لمن عاش اللحظات هنا