السلام عليكم
مساكم الله بالخير واسعدالله اوقاتكم بالمسرات
يسعدني بعد طول غياب وكثير اشتياق ان اعود لمصافحتكم ومشاركتكم
اتمنى ان تقبلوني بينكم ................. اختكم كل البدو
من يقول البعد يطفي ضوا هاك السطور = من يقول الحب يفنا لو الثاني سلا
مخطي اللي ظن حبه مع الغيبه يبووور= قصر حبه بالسويدا مشيد واعتلا
مرت الازمان ولا مضى معها دهور= القوافي قدم عيني مع الحرف ازملا
اتنقى من سناها وافوح لك عطور = واتبسم باجمل ابيات احلى من الحلا
واتمايل مع قصيدك على هاك البحور = اسعد الله القوافي كذا.... ولا فلا
لاذكرتك اصفق اكفوف ايديه ثم ادور= واتلعثم لا طرا اسمك وانا بين الملا
البكر غالي وانا اغليت ثنوي بلا غرور = يوم سميته على اسمك واناديه الغلا
يعلم الله ما نسيتك وذا حبك يثور = لين كبلته وجيتك... انا وهو ادخلا
عندك ايه وكل ابينا شوقنا لك جهور = شوف لك صرفه تصرف حل هالمسئلا
دمتم بود / كل البدو