[أسامة العميريني]

السلام عليكم ورحمة الله وبركاته
زوار وأعضاء شعبيات ..
مساء صباح الخير للجميع ..
(أحبه ولازالت هي النيه النيه ) ..

.

.

.

أحبه ولازالت هي النيه النيّه=فلابعدها بنتٍ ملت قلبي او عيني
برت جسمي الناحل بكثرت طواريّه=خذتني معه ولدري وينه توديني
جمر غيرها رمّد وهي جمرته حيّه=من اللي لقيته في غيابه مكفّيني
هي الكيّه أو هي اللي ألعن من الكيّه=هي اللي ليا من نمت جت لي تصحيني
أنا اعطي لها الحسْنه و وتعطيني السيّه=وأنا أسعى على وصله وتسعى تجافيني
اذا صارت العالم بعينه سواسيّه=ياكيف ارتجي قربه واخيله تهنيني
أنا مَحتمل كبره ولَرضى تعاليّه=سوى الخافق اللي كل مبعدت يدنيني
ترى الحب عله والعواذل عليميّه=تقطّع بنصحه مثل قطع السكاكيني
ألا يالرفيق اللي هروجه تجاريّه=مانقبل بها الأصلي تبين أقبل الحيني
أحبه ولازالت هي النيه النيّه=تموت الخلايق ما عن الزين تثنيني

.

.

.

أسامة العميريني 25-6-1431 هـ