[فيصل المهلكي]

الوجوه :
اللّي مع اطراف السكوت ..
ماتلتقي في رحلة الجايين .. صوت !
والرايحين بناس مامعهم دليل
واللّي مع الجرّه تتوه !
من هو دعاها لاتموت ؟
في قمّة غناها ..
وهي في ذمّة الكهف بـ تسير ..
ولا احدٍ جاها !
ينقذ الباقي من الظلّ .. ويطير
تحت عيون الكلّ .. واجفان النهار
لا ماعلى خلّك ملام ..
المساء : يخطف من احلامه .. نهار !
ماهو نهار اليوم / يوم ( اكهف ) منام !!
واحلام تتشقّق عليك ..
تستنطقك صوتٍ يبيك !
ماهو انا :
اكيد .. اكيد .. ماهو انا
او انت !
او حتّى يديك !
هذا إهو : وجه النهار اللّي غدى
بين الوجوه ...
ماعلّموه :
ان الصدى ... ماهو على خُبْر السنين
مخفي : مثل ذكرى / ورى الذكرى يبين !
لاهو رجع صوته مع الايام / صوت
ولاهو نسى كلّ الوجوه
اللّي على باله تموت