[سلطان]

قدور مهوب أحسن مني < فوق راس طعس ومعه كواتم مهوب كاتم واحد والبرد يطرق خشمه الين صار احمر تقول ايرأني بعيدا عن جو المطبخ الي خانق بناتنا وصاير الطبخ عندهم واجب .. وتعرفون الشغل الغصب ما يتقن على أكمل وجه ... لذا الرجال اثبتوا بالبر أنهم أحسن طبخ من الحريم طبختنا اليوم اسمها " مــقـلوبـة "

...{ المقادير
خذ كيس ورح لأقرب محل خضار...وغمض عيونك واملئ الكيس من كل نوع:
كوسة باذنجان قرع بطاطس بصل,طماط,ثوم,جزر, الخ <عجاز




أول خطوة : نقطع الخضار وبحجم كبير << من الكسل ونضعها بقدر الضغط وبدون مويه تكفي موية الخضار ونكتمها عشر دقايق




ثاني خطوة : يكون معك قدر ثاني تضع في الرز, والمويه تكون فوق الرز بشيء بسيط وتضع معها زبدة كاملة بس هالمرة ما تضغط الكاتم تصبر عليه ألين يصير حب الرز طري




صورة ثانية للرز بعد ما ذآبت الزبدة وهو يغلي




ثالث خطوة : نأخذ القدر الي فيه خضار، ونحط فوقه الدجاج بطريقة منتظمة (يعني نرصه رص)




رابع خطوة : نضع الرز فوق الدجاج < ما صارت كبسة صار عصير طبقات



صورة توضح الانتهاء من تصميم كبسات الطبقات <وش يبي




بعد ذلك نضغط الكاتم ... ونركبه فوق النار لمدة 45 دقيقة




صورة نهائية للمقلوبه و بـالعافية .. ومقدور مهوب اشطر مني .