[عبدالرحمن الربيّع]

السلام عليكم ورحمة الله وبركاته

هلا بك ياحرف ..

الموضوع جدا جميل ومهم في نفس الوقت ..

ولكن لكل شي نقاط ضعف وهفوات مثل ما انت عارف ..

وانا برايي المتواضع ان التطبيق هو اللي اضعف النظام والا النظام جدا جميل ولكن على الورق فقط ..

وسبب الانتقادات هي الشوارع مثل ماذكرت وهذا في طور التعديل في كثير من الاحياء ومع الوقت راح نشوف كل شي صار تمام ..

المشكله الكبرى عندنا ماهي في المواطن المشكله في الاجنبي الوافد ولا اقصد الاجنبي الغربي وتعرف وش اقصد بالضبط من كلامي ..

هنا اجانب جايين من دول مستحيل تطبيق اي نظام مروري عليهم ولا بعد الف سنه ويعتمدون في قيادتهم للمركبات على ( من سبق لبق وخلي يولي وانا حصلت زبون وكلوا سياره ورى يهون وهذي خاصه باصحاب اللموزين ) والوقوف المفاجىء والانعطفات الانتحاريه ..
ومادام كل من هب ودب يقود سياره لا يمكن تطبيق النظام لا ساهر ولا نايم حتى !!

ولكن من الملاحظ في الفتره الاخيره قلة الحوادث بالنسبه للسرعه والوفيات باسبابها ..

وفيه تصريح لادراة المرور والحوادث بان نسبة الوفيات قلة كثير عن العام الماضي وهذا بسبب تطبيق نظام ساهر والمراقبه بالكميرات وتطبيق المخالفات وارسال المخالفه للجوالات ..

اذا النظام ليس فاشلا كما نعتقد انما هناك حاجه لمزيد من الوقت حتى يعي الجميع اهمية تطبيق الانظمه المروريه بحذافيرها حتى ولو كان بهذه الصرامه ..

وعلى فكره نظام ساهر ليس مسئول عن اللوحات الارشاديه المروريه فيما يخص السرعه وغيرها ..

لذا على المرور مراجعة كل هذه الارشادات وتحديث السرعات بها حسب المنطق والمعقول ..

والف شكر لك اخوي على هذا الموضوع الجميل والله يعطيك العافيه .