كومبارس
كومبارس
أَبـرهن سيفي الخشبي .. و ابنهي كـذبة الفارس
و ادّور دور يناسبني .. و احس انّه على قـدّي
ببيع حصاني .. دام انـّي قبلت آكـون كومبارس
صباح الخير .. مساء النور .. هذا كل ما عندي
و بسجـن كل طموحاتي .. و بصير السجن و الحارس
و ابخذل كل تاريخي .. و بخلّي الفضّه تصدّي
جهاتي كلها أربع .. و عجزت آكون انا الخامس
انا حدودي تحاصرني .. و حـدّي قد وصل حـدّي
أتلفت .. و لاالقى غير.. بقايا من وفــا هاجس
يدفي قلبي بالذكرى .. قبل لا ينتقــم بردي
أنا آسف على حسّي .. تركنني في البـلل يابس
و انا ودّي أعيش الدور .. وما أَقدر .. و لو ودّي
بودّع مسرحي .. و كلّي تفاؤل يفرضه يائـس
و ابضحك كثر أحزاني .. و بصافح يـدّي بـيـدّي
و ابحرق كل رواياتي .. و اخلّي غـيري يتنافس
و بعـلـّـق صورتي بالسيف.. و اصفـّـقْ لي أنا وحــدي
عبداللطيف بن عبدالله بن عبداللطيف بن ابراهيم آل الشيخ
اخر تعديل كان بواسطة » عبداللطيف بن عبدالله بن عبداللطيف آل الشيخ في يوم » 13-06-2010 عند الساعة » 01:41.
|