على كثر ماشرّعت للعابريـن اظنـون
وسلمتهـم حرفـي بـكـل احتمالاتـه
وحيرتهم فيما يسولـف بـه الغـاوون
وسرقت استفاقـة فكرهـم واحتفالاتـه
ومديتهم لاشهى تعـب وارتباكـة لـون
ولـعمق الخيال وبهجتـه وانكساراتـه
سوالف كثيره تسرق الخاطر المحـزون
مثل بعض ضيقـه واحتفالـه ورغباتـه
يضيق المدى في نظرته واتساع الكـون
ويرميه حزنـه لاحتضـاره وضيقاتـه
ويستوطنه حزنه كثيـر وعليـه يمـون
لو انه غبـط حلمـه ومجـد خيالاتـه
كثيـر ايتصنـع مايحملونـه السالـون
ويظهر خـلاف اللـي يشكـل مداراتـه
وهو وش كثر من داخله بالوجع مسكون
كثر ما اهتداه الحزن فـي كـل حالاتـه
لو انه نزف ماشال في شعره المـوزون
تكسـر قصيـده تقبـل تقـرأ معاناتـه
لكنه كتب روحه وجرحه لـمن يقـرأون
وحاول يكون اقرب لـصبـره وهقواتـه
وعلى شأن هذا مد للعابريـن اظنـون
وقـدم لهـم حرفـه بكـل احتمالاتـه
بقلم نايف السميري