[سعيد بن مقبل الأكلبي]

صديقي الاستاذ الشاعر/حمد السحيمي
صاحب مجموعة النداوي اشترا له وايت من المانيا بمواصفات عجيبه
وشفت شكله واعجبني وكتبت الابيات التاليه......ان شاء الله تعجبكم

يالسحيمي عُقب ماغيّرت شكل الوايت=اعتقد مابه مجال نعذربه وانذمّه
صار له غمارتين ولون بدْيه white=والمكيّف فوقها تقول لابس عِمّه
والمكينه من حفيزة والشنابر tight=كنّ ماطوره قعودٍ باركٍ تحت امّه
لوتجي حرارته خمسين فهرنهايت=مايوقّف سايقه ولايشمّر كمّه
لامشا مع الجَلَد كَنْه بيطير flight=والدبل لاجا بينشب فالطعوس ايخمّه
وارد المرسدس بنز مواصفات all right=شركةٍ ترضي زباينها وتبري الذمّه
هندسه من يخْلط المحلول والسبرايت=وان خذا له خُغمةٍ ياشِين ريحة فمّه
باردٍ دمّه من اكله للطعام البايت=غير لاشاف الخلل فالبنز فوّر دمّه
ماحلا المسرا على المرسدس تالي night=في خلاً خالي وسواقه من اهل اليِمّه
لارض ممطورة ولامنّه كشح بلـlight=شوفت الغُدران قُدم النور تجلي همّه
ليلةٍ بريّةٍ في جوها وquiet=ريحة الما والندا يشرح صدر من شمّه
ذا كلامي يابوثامر يوم شفت الوايت=شكله اعجبني عسى الله يحْفظه وايتمّه
من يشوفه من بعيد ايقول خيرٍ فايت=ومن يشوفه من قريب ايقول يا وآل امّه
ودنا نلعب معك بيلوت غير اتزايت=كل ماجينا انكبْتها تجي بمْطمّه
لاكتبنا فيك بايت جبت كيلو بايت=شاعرٍ فيك العلوم الغانمة ملتمّه

.

.

ابشركم لقيت لي شاعر مستطرف انقليزي نبطي وساعدني فالقوافي الانقليزية