إستفزاز
إستفزاز
.. إستفزيني
.. مرّدي فيني جبيني
.. و اشهري سيف الأنوثه
.. و جرديني
من قناعٍ كان خلفه ألف وجه
.. مرجحيني
بين إيه .. وبين لا
و حوليني لأسئله .. مالها عندك جواب
فلسفيني .. يا ثواب .. يا عقاب
.. و خلصيني من الأنا
.. و بعثريني
و اجمعيني فيك
.. و تمردي فيني
و افرضيني قيد في يديك .. و يديني
.. و اكسريني
.. إكسرني .. لو لقيتي مرايتك
**
.. إنتي الأنثى الوحيده
و وحدي أنا .. كل الرجال
إنتي اللي .. ما يقال
.. إنتي لو قلتي لي إبعد
أسمعها في قلبي .. تعال
.. زلزليني
.. و اثبتي للكون كله
إنك اعظم من تمرد
.. و اسبقيني لي
و وطّني احساسٍ تشرد
.. بحزن أنا لو متّ
.. و ببكي أنا لو متّ
.. و بموت انا لو متّ
.. حبيبتي سلّمت
.. مدّي يقينك
و صافحي طاغي يقيني
.. و استفزّي كل ذرة عقل فيني
إستثمري صادق جنوني
.. و اكسريني
.. إكسرني .. لو لقيتي مرايتك
**
.. سنّبليني
و احصديني حبّه حبّه
.. و اطحنيني
و انثريني في الهوا .. و استنشقيني
أنبت أنا بداخلك .. غابه من السنابل
.. ايه انا لولاك ذابل
.. ايه انا لولاك ذابل
.. إبعديني
.. و حرّمي فيني الوصال
و حلّليه.. و أُوصليني
.. إبعديني
و إبني في قلبي المحال
و إهدميه .. و إسكنيني
و ارمي مفاتيحك .. مع حدودك .. مع سيوفك
.. في المدى
.. و إغرقي باحساسك الجارف سفيني
.. حرّري نفسك من قيود الحدود
و حرريني
.. و اصهري ترابك مع ترابي
.. و كوّني إحساس ثالث
يحتويك .. و يحتويني
.. و نا ظريني
.. ناظريني
.. بتشوفي وجهك لحالك
.. و ما تشوفيني
.. ما تشوفيني
دامي غديت مرايتك
عبداللطيف بن عبدالله بن عبداللطيف بن ابراهيم آل الشيخ
الرياض
1998م
|