ياعين هلي كل دمعك مع ماك = ما للشقاوي غير دمعه يهله
ياعين مالومك بعد كل ماجاك = ياتعس حظ اللي فقد شوف خله
ماشفت بلوى مثل حزنك وبلواك = مسكين قلب(ن)ذاق مر المذله
من المها ماريد ذولا وذولاك = إلا حبيب اللقب هو بس تله
كل العذارى ماتوصل لحلياك = يامالك(ن)للروح والقلب كله
يازين جوي لاتعطر بطرياك = وياحلو صوت(ن) ناعم(ن)ماأمله
احلم بيوم(ن)فيه ياخل بلقاك = حتى تشوف القلب شاللي حصل له
عطني عهد ومد لي كف يمناك = دوم(ن)نعيش الحب دايم في ظله
وش خانة الدنيا حبيبي بلياك = إنت البدر والناس غيرك أهلّه
يالله عسى كل النوايب تعداك = وتمشي دروب السعد من غير عله