الأهداء لشعبيات بمناسبة أنضمام حرفي لديوانها الشعري
كل ماصدحتك.. يالحدا=يزين طاروق القصيـد
ولكـن ماحـدا ..لحـدا=لامـن قريب..ولابعيـد
علـى طريقـك يالهـدا=لازلت بطريف أستعيـد
الصبح وقطرات النـدا=وطيور /وزهور/ ونشيد
وكلماتهـا كـل مابـدا=يضـخ دمـي بالوريـد
(أروح لعيونـك فــدا=وأعيش أحبك من جديد)
وراحت..ولاراحت سدا=فراقها جـاب القصيـد
لانامت عيـون الـردا=ولاغابت طيوف البعيـد
وللقصيد بقيّه
تعال خلّ اللـي براسـك وصيّـف=بظلوعـي ودمـي لقلبـي يوديـك
وأقعـد بنّصـه لاتولـع مكـيّـف=مراوح من أغلى المشاعر تهويـك
وأظيف ما أنت الظيف أنت المضيّف=وكل كريات الـدم تبـي تقهويـك
وللألف أقول الولف غيّـر الوليّـف=يعني ماأحبك إلا أموتك وأنا أغليـك
يادب تدري وش يسـوي نحيّـف=يهزّ بغيابـك عـروش الصعاليـك
و60 دب إلا أن دمــك خفـيّـف=ومع الحلاوه خفـة دمـك تحليـك
ولا تحسب أن اللي يحبـك ظعيّـف=هذا غلاك ليّـا حجالـي حجاويـك
ولـوأن ماقلبـك عليّـه رهـيّـف=ماأقول هاك يدي (شه) عطني يديك
عجزت عنك أجوز..ولا أتكيّف=مع حب غيرك وأنا أعاني ..وأعنيك
وأجيك عاني عووون ماهو مزيّـف=وأنت تخبر ياطاااح دمعـك لغاليـك
وهذا أنت ب(الطايف) وجوّه مصيّف=وأنا( بطريف) وكثر ماأحبك أغليك
شه: مصطلح شمالي بمعنى أشوف شوي