بلا..مقدمات
الشعر
بعد الله
باقي
لو أن الشاعر
مات
هالليّل ياطال هذره بأسم ديجوره=يبي يجي له سهر ماهو على باله
سهر يهدّ الظهرياصف طابوره=وعطاه الأيعاز قافاً طاب مواله
ليّا قدح ياعتيم السالفه نوره=يكبر ظلال القصيد يقلّد ظلاله
حاضر بحاضر يجي بالصوت والصوره=والموت الأحمر ليّا غنى على أطلاله
يامعشر الشعر وأهل الشعر وبحوره=الليله الشوق حاله..والشعر حاله
لبنت الحسب/والنسب/والجود/وعصوره=منزّحين العدا عن موقع القاله
قوماً مركبهم بهاك الوقت مقصوره= من دونه(الموت يامن كثرت أشكاله)
موردين البيارق بيض مسطوره=ويّصدرن حمر عقب الدم وأهواله
يتلون شيخاً يتلّ المجد وقصوره=روس النوايف تحثّ العزّ يرقى له
بنت الأكابر تكابر بس معذوره= من قدّها والقصيد مميّل عقاله
غندورةٍ فارقه عن كل غندوره=بين الصبايا تجي من غاد مختاله
وكل مايطيّر قفص هالوجد عصفوره=وهبت هبوب الحنين وجت على باله
ذبّ الهجيني يعبر به عن شعوره=ياغاب مرسالها ولاملّ مرساله
والليل هاللي طلّع مشوين عن طوره=منهو يلومه لو أنه ولّع بحاله
مادام هالصبح شعشع وأنبلج نوره=يّحضر أبو القصيد/وعمّه/وخاله
ولكم الود و
