أبو مهنا
أرحب
ياربى تحيه
خوش جدول
أجل
راح فيه المسيكين اللى تغفصه
أثرك مسرف الله يهديك
مديرك كم تلفونه أبوصيه عليك
الله لا يهينك يابو مهنا
والله يأخوك مأنى دعوجى ولكن
أصحابى كلهم شيبان الله لايخلينا منهم
الزبدة ياخوك وش هالقصيدة الله يهديك أنت تحسبنا مثلك
حنا نتعلم وأنت أستاذ
يعلم الله أنى مشغول والاسبوع هذا صاير نقل جماعى
من ساجر للرياض للشرقيه والله وكيلك حالة غير حاله
ولكن هاك يارجال عنى
هاذى ثلاث ليال نوم العين عن عينى جزا
......................... لا واهنى اللى بوسط النوم بالراحه سلو
يابو مهنا ياعسانى مأستمع فيك العزا
......................... أقلط على سمن وسمين ودلةٌ للى علو
هذا مكانك فى الصداره والشداد مجهزا
......................... والعود الازرق فى كفوف اللى بخدمتك إنحنو
يامرحبا ترحيبةٌ لاهل الوفا منى جزا
......................... من قلب ولسان الرفيق بمنطقٌ ذرب وحلو
يازين معنى الشاعر اللى للقوافى معجزا
......................... سيفى ليامن الزمن كشر بنابه بالعدو
يابو مهنا ما تريد أقول جاك منجزا
......................... أطلب وأنا يمناك لو الوقت وأعوانه قسو
لاكن حنا بالوسيعه ما وصل علم الوزا
......................... أنت الاديب اللى فهيمٌ للبلاغه والنحو
أبعد مدار الشك والشيطان دوم محجزا
........................ وش عاد باقى دام راعى الدلو ردلك الدلو
الرجل يبعد هومته ياصاحبى لامن غزا
....................... وأنت الدليله والدلايل بالغدارى ما غدو
حشرتنا يابو مهنا
ووسع صدرك والعلم سهود ومهود
الدعاوى ضحك
والشك زايل
لك تحيات
أخيك الصغير