سبحان من ركّدك يارجلي العجلا
من عقب عشق السفر والطيش سبحانه
والله في ذمتي لولا غلا النجلاء
لأدوّج الرجل واغني على الدانه
اروح لا قالت (ايوه هاه ) في الهجلا
واضيع لا قالت (اي والله تعبااااانه)
ماني جلاوي ولا في خاطري بأجلا
من دونها شوف فياض الأرض قفرانه
ريانة الوجنتين المرمر الخجلا
وشلون جاء عودها مبري .. وريانه؟
لو تطلب عروقي اقطعها على المجلا
الا رضاها يهون العمر من شانه
فديت ذبح العيون النعس النجلا
الله فرقها عن فلانه وعلانه