شعبيات - مشاهدة مشاركة بصفحة مستقلة

كريم العفيدلي · 31-03-2010, 17:35

/
/
/
ودعته وكـــفوفه سالمني
وبين ضلوعي قلبي سال مني
الدمع يومن حضنته سال مني
وهسه عيوني طاحن بين ايديه
/
/
/
لوتدرين
جسمي من الدمع ذاب ورجع للطين
لاتبكين
لوتردين..
أقدمللك هدية الخد والعينين
لوتدرين
ان احنا انخلقنا بروح موروحين
رحتي ..وخذتي نص روحي
وخليتيني بي البين
لانص روحي راحت حتى تتلقاك
ولاروحك إجتني وتطبق النصين
واظل عايش مومثل هالناس ..
أخلص من صبر واتلاقى وي صبرين
لوتدرين ...مالك جسد
بس روح من تمشين
واذا تمرين ..
يسلم عالزرع ماي النهر
ويبوس راس الطين ..
واتحول نهر لاجدامك من تمر
ولوبيدي انقسم واتحول لنهرين
بلكي بروحة ردة يضايقونك ناس
يزل جدمك غلط وبواحد تطيحين
وأسألك..
يهالبيك الناس حيرانين
هوالمي يغسل بيك
والا انتي التنزلين المي وتغسلين
واذا غفيتي على صدري بيوم
أفكربيك..
أفكر بالمحاضن ..
بالمشابك ..
زين ..لا..لا
موزين
شفافة وتصمم جسمك من الجام
وأخاف المسك بيدي تنكسرين
ولووووووتدرين .

/
/
/

الطائر المفقود
صيف 2005

31-03-2010, 17:35	#1
كريم العفيدلي شــاعر	لوتدرين....فراتية / / / ودعته وكـــفوفه سالمني وبين ضلوعي قلبي سال مني الدمع يومن حضنته سال مني وهسه عيوني طاحن بين ايديه / / / لوتدرين جسمي من الدمع ذاب ورجع للطين لاتبكين لوتردين.. أقدمللك هدية الخد والعينين لوتدرين ان احنا انخلقنا بروح موروحين رحتي ..وخذتي نص روحي وخليتيني بي البين لانص روحي راحت حتى تتلقاك ولاروحك إجتني وتطبق النصين واظل عايش مومثل هالناس .. أخلص من صبر واتلاقى وي صبرين لوتدرين ...مالك جسد بس روح من تمشين واذا تمرين .. يسلم عالزرع ماي النهر ويبوس راس الطين .. واتحول نهر لاجدامك من تمر ولوبيدي انقسم واتحول لنهرين بلكي بروحة ردة يضايقونك ناس يزل جدمك غلط وبواحد تطيحين وأسألك.. يهالبيك الناس حيرانين هوالمي يغسل بيك والا انتي التنزلين المي وتغسلين واذا غفيتي على صدري بيوم أفكربيك.. أفكر بالمحاضن .. بالمشابك .. زين ..لا..لا موزين شفافة وتصمم جسمك من الجام وأخاف المسك بيدي تنكسرين ولووووووتدرين . / / / الطائر المفقود صيف 2005 التوقيع: وعندما.... تبكي السماء تبتسم الأرض!!!