[رياض الاحمري]

يا وجه الخير لا هِدت حـرارٍ تفهـق الباقيـن
تصيد وكـل طيـرٍ يشبعـه لا هِـد مخلابـه

جبل سنجار ما وكْر حمام الـورق والشاهيـن
تحضن وكْر طيـرٍ لا تعـزوا بـه تعزوابـه

على الوجهين لا ذرا وبكـره للعيـان يزيـن
تقول إنه ثلاث أشياء شمـوخ وعـزه و هابـه

تقول أنه ولد شيخٍ تجلوا بـه مـن القاصيـن
غريمٍ جـارت الدنيـا عليـه ونـوخ اركابـه

وأنا لا من حضرت أجمل واجمَل ربعي الغالين
ونومس كل حرفٍ لابدا من قبل ما أشقى بـه

حضرت وغايتي يمكن لها قرب الثمان إسنيـن
تمنيت المساء يصبح نهارٍ وأكسـب إعجابـه

تمنيته ولو مره لا حـارب سطـوة التهجيـن
وأسيد مملكة ساداتهـا فـي حشمـة أهدابـه

وجاك اليوم يا ملفـي ولا فيهـم قليـل الديـن
ولا أزكـي إمـامٍ دنيتـه ذكـره ومحـرابـه

يبان الغيث من وقعه وذكـر الطيبيـن يبيـن
حدر وجه الزمان وبصمته ما أخضرت أعشابه

على وين القدم يا هاجسي لو بار وجدك حيـن
تحزم يا عجب عين الغريـب ومـن تهقوابـه

ترى ما أنت الوحيد اللي يعاني قسوة التركيـن
ولا شانت على مثلك سموم القيـض وترابـه

تخاف المزنه الغرى وتامـن طعنـة السكيـن
حشى ما أنت الشجاع اللي يضد القوم بحرابـه

قسم بالله لو كنت بمكانك لو ( قبلـت الديـن )
لا قابل وجـه ديانـي و اعـده و اتقـدا بـه

تغانى من لبس بشته ولا حس الدفـى مسكيـن
مع أنه لا ورد وسَم ولا بـه مجلـس إلا بـه

صحيح القصر ما يبنى ولو بِيعة بيوت الطيـن
وانا أقول القصر ما بان لي من فتحـة أبوابـه

تلفت لا دخلته و أطلـق النيـه يسـار يميـن
و عِده من شقاء حال الغريب ولا تهنـى بـه

ا لا يا قلب لا تجزع و ا لا يا عين لا تبكيـن
ما دام إنه على خبري مصيره وكـر مرقابـه