|
رد : نزف مُـبـ هم
,,
وحـشـة ضـلوعـي
غرق شوفي على درب الشتات وناظري يرعاك
عجزت اقبل عزا دمعٍ يجر الجرح بذيوله
رجعت لوحشة ضلوعي حزينة والعزا ذكراك
رجعت وقلبي الابيض كذا أصغر من اللوله !!
رجعت اجمع بقايا الطيش وعطور اللقا وياك
رجعت انثر فساتين الوعد وآقول معقووووله !!
تخيّل كيف امد ايدي واماري فرحي ابلقياك
ولك عرش الغلا محدٍ يهزه ولاحدٍ حوله
تخيّل كيف تتبعني خطاوي الشوق لا مسراك
ولك عنق الورود الحمر ياما طاح بذبوله !!
تخيّل كيف أدوّر فيّتي وآطا على رمضاك
ولك في داخلي روضٍ سكنت بعرضه وطوله
تخيّل كيف تهديني عمر في ساعه بدنياك
يضيع الحرف بشفاهي قبل لا أنوي آقوله
تخيّل رجعتي دونك\هوان الروح من فرقاك
بقى لي جرحٍ بصدري إذا هو يرخي سدوله
اداري دمعةٍ ياما مسحها لي طرف يمناك
انا وش عاد في يدي ليا قال القدر قوله
هنا كان اللقا ذكرى سرت في دورة الافلاك
وقف قلبي على هاك المشارف يحتري زوله
جريدة الرياضي - السعودية
الثلاثاء 30-3-1431
16-مارس-2010
,,
اخر تعديل كان بواسطة » مزون المحمد في يوم » 22-03-2010 عند الساعة » 22:10.
|