يابحر جده لو يشف الحكي شف
والبوح للمحبوب ماطاوع الروح
لمناظر عيونه يرف الهدب رف
رفة جناحٍ يسكن بـ عالي الدوح
لملامس كفوفه يهف الحيا هف
والقلب يطعن به سواليف ومزوح
حايلت عيني وأزرق الموق ما جف
وأذويت عودٍ عانه اليوم مطروح
سابقت وقتي لكن الوقت ما كف
يكسر مدى الاحلام والقلب مجروح
زفيت حظي وامحق الحظ ما زف
يانعنبو حظٍ من العام مسفوح
قال (ارحبي بالصدر يامزوني العف
خايلت نوّوك مرّتينٍ بعد نوح
أشتاق لك وأشتاق لمصافح الكف
بس الأمل يمة موانيك مذبوح)