بسم الله الرحمن الرحيم
السلام عليكم ورحمة الله وبركاته
امسي واصبح عليكم بالخير جميعا ....
ابيات بدع و رد بدأت في توجيهها للأخ العزيز الشاعر / فارس هدهود الصاعدي الحربي
وهي شكوى وسؤال هزلي واضح المعنى و ألتقطه الشاعر العزيز
بدأت
أبي اسأل يا ولد هدهود وين أرض الطفيليات=يا فارس و أنت لك فيها مقرر علم و دراسه
تغدتنا ضحى و أفلس جسدنا و أنكشف خلات=و لا فينا مناعة تكسر الدرعين و الطاسه
تعلوت و حكمت وأعلن زعيمه كسبه القلات=تدفئ من ضلوعي و الحطب جاهز بلا فاسه
و عليم الله عزاويها مناة و عزته و اللات =هوت من بيني و بيني فعوله فعل غلاسه
و مثاريها علي بأني كريم يكسب النالات=عريب في طبوعي يجبر الفزعات من راسه
وعلى طاري فزوعي لا وفت في غالب الحالات=سرت لي من دياره واشترت كلي على أفلاسه
وأبرجع و اسألك يالصاعدي عن كامن العلات=طرت لي حاجة عن حالتي من هو سبب باسه
وأتى الرد من الشاعر العزيز خلال برهة من الوقت رغم ما كان يشغله
عن هذه القصيدة ولكن اتفقت الرؤية على المعنى
هلا يامرحبا يامرحبا يامرحبا ميّات=عدد من يسقي الكراس بالقيفان من راسه
بعبدالله إبن سهل الشلاقي صافي النيّات=سليل أهل الكرم والمجد (شمّر) أصله وساسه
هجوسك يابعد حيّي تحاور ما كِمن بالذات=خلوج ٍ ماعرف وش هي سوى اللي ناح من باسه
وألا يا جعل عوق الفكر ماله يمّكم حيلات = وكل اللي تحت عوق الفكر لاباس بمراسه
جميع الناس من آدم يالين اللي بصيحه مات=حقيق ٍ ما يلاقونه شراب المر من كاسه
وكانك تنشــدن ياصاحبي أرض الطفيليات=جوابي أرضها عبدٍ تعب من جرّة أنفاسه
تراها تنتقي أرضٍ خصيبه كلها خيرات=و عوق الفكر سيّدها و بها قل البصر ساسَه
وألا ياكم شكى منها صحيح ٍ ما شكى العلات=وألا ياكم سلم منها كسير صح بإحساسه
وربــك ما وضع بالأرض أنواع ٍ من البلوات=ياكود لحكمةٍ منّـه تبارك كون هو قاسـه
وحالي والبشر كله وحالك و أجمع الحالات=إله العرش معطيها و مانعها بمقياســه
وكلٍّ ماخذٍ قسمه و من بالضر له صولات =تجيه الجولـه اللي تقصمه من ناصية راسه