بسم الله الرحمن الرحيم
السلام عليكم ورحمة الله وبركاته
قصيدة اخي وحبيبي الشاعر / سعيد بن مانع الرفيدي و معناها في بطن شاعرها ...قال
يارب تمنعنـي مـن الفقـر والعـوز=وإنك تخارجني مـن النبـز والشمـت
بعض الكلآم يزيد فالخطّـر إحـزوز=وآخير من كثر الحكي ؟ نلزم الصمت
وبعض العرب يفهم ويفطن من ارموز=وبعض العرب تشرح له يقول ماإفهمت
وانا علـوم المرجلـه حزتهـا حـوز=معروف في صمتي ولا مـن تكلمـت
ما أقبل طعامٍ جا من النـاس مـدزوز=كم ليلـةٍ حزمّـت بطنـي ولا نمـت
واليا إنشدوني قلت انا بخيـر وآنـوز=عزيز ولـرب المـلا آلأمـر سلمـت
واللي تعب ؟ يستمتـع بنكهـة الفـوز=مثل الخـوي وقفتـه لا مـن تألمـت
لي بيـرقٍ بجبـال الأمجـاد مركـوز=شايم عن التشكيك مـا دامنـي شمـت
يجوز اناظر للمظاهـر .. ولا يجـوز=احكم بها ع الشخص دامـي تعلمـت
ان مابه احدٍ قد اكـل قشـرة المـوز=دام الحلا في ثمرته كان مـا إطعمـت
و لأعجابي بالقصيدة و لكوني جمعت خيوط معنى قصيدته حين قرأتها كتبت هذه المجاراة ....
يا سعيد لا تاقف على منبع الكوز = لا صار في كفٍ دنية لها لمت
لو حدتك دنياك تشرب من الهوز = عابر سبيلٍ في دروبٍ بها همت
أخير من كف به اللوز و الجوز = لو قدمت فاخره عن قلطته قمت
يما غدت منحات الأنذال عنكوز = في وجه ممنوحٍِ عن أخذه تمرهمت
شف مدته هي بين بسمات أو بوز = تلقى النتيجة من قبل قولتك دمت
خلك على ما قلت مبعد و بك نوز = وعن طاري اللي يلهدك بالهوى حمت
وليا حصل وأصبحت في حال محجوز =فأحصد فوائد حالةٍ به تشائمت
عده لك السونا أو أن قلت جاكوز = تنشط في دمك للمقابيل لا رمت
خلك على الكايد مثل بشر جرموز = حول لنده و أنت حول ليا ضمت
ألا ليا صرت في أجا أو على اللوز = اللي تحت سفحك تعده عن الشمت