حبيبي وين عنوانك رحلت وضاعت الارقـام
تعبت ادورك عامين من ديـره الـي ديـره
سألت بحيك الاول شهـور وحفيـت الاقـدام
سألت الناس قالوا ناقل من اعوام في غيـره
انا ادري ماتخون العهد لكن للظروف احكـام
وانا لك عهد مني بالوفـا والسـر تضميـره
ترى سيف الغدر يحكم على قلب الحبيب اعدام
اذا بعد الوفاء والعهـد خنتـي يالله الخيـره
هنا حبك رسمته .. في الخفوق بريشة الرسام
وقلبي خابره لا حب واحـد صعـب تغييـره
اشوف اللي خذا قلبي على سجادة الاوهـام
من اول واقعي روح بقلبـي لاخـر الحيـره
حياتي في الهوى راحت امانـي زايفه واحـلام
اماني ضايعه والحلم مـا حصلّـت تفسيـره
حبيبي كانت عيونه تسولف لي قبـل لا ينـام
بهمس الرمـش يتكلـم وتطربنـي تعابيـره
غديت بغيبته عني صحيب الدمـع والاقـلام
وانا ماهمني لا صار طيّـب والفـرح طيـره
نذرت الشعر ينصر خافق ٍ حلـّت بـه الالام
على متن القصيد اعزف نغم حرفه وتصويره